Президент тапсырмасына сай 2023-2025 жылдары елімізде шағын қалаларда, аудан орталықтарында және ауылдық елді мекендерде орналасқан 3008 мектепке ауқымды жаңғырту жұмыстары жүргізілді, деп жазады inbusiness.kz сайты.
Оқу-ағарту министрлігінің мәліметінше, модернизация қала және ауыл мектептері арасындағы алшақтықты азайтуға, сондай-ақ балаларға білім мен тәрбие беру үшін жайлы жағдай жасауға, материалдық-техникалық базаны күшейтуге бағытталған.
2023-2025 жылдар қорытындысы бойынша:
- 369 мектепте күрделі жөндеу жүргізілді;
- 1 817 мектепте ағымдағы жөндеу жасалды;
- 2 917 пәндік кабинет сатып алынды;
- 1 697 мектепте жиһаз жаңартылды;
- 2 413 мектептің кітапханасы жаңғыртылды;
- 1 401 мектептің асханасы жаңартылды;
- 1 705 мектепте қауіпсіздік жүйелері күшейтілді.
Сонымен қатар 2023-2025 жылдары 2 752 мектеп үшін 4 320 пәндік кабинет сатып алынды, оның ішінде:
- 2023 жылы – 1 072 мектеп (1507 кабинет);
- 2024 жылы – 920 мектеп (1621 кабинет);
- 2025 жылы – 760 мектеп (1192 кабинет).
Бұл жұмыстардың нәтижесінде еліміз бойынша 1,1 млн-нан астам оқушының оқу жағдайы жақсарды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
