Қазақстанда Халыққа қызмет көрсету орталықтарына (ХҚО) келетін азаматтардың 80%-ға жуығы он негізгі қызмет түрі бойынша келеді, деп хабарлайды inbusiness.kz сайты.
Ведомство мәліметінше, бүгінде халыққа қызмет көрсету орталықтары 1250-ге жуық мемлекеттік қызмет көрсетеді. Алайда, талдау нәтижесі негізгі жүктеме танымал сұраныстардың шектеулі тізіміне ғана түсетінін көрсетті.
"Азаматтардың өтініштерін талдау қызық жайтты көрсетті: азаматтардың жалпы ағынының 79 пайызы небәрі он қызмет бойынша келеді. Яғни, тек он қызмет офлайн форматта негізгі ағынды жасайды. Мұның екі себебі бар: кейбір қызмет цифрландырылған, бірақ ыңғайлы емес және бұл процесті жеңілдету қажет", – деп атап өтті Коняшкин.
Оның айтуынша, бұрын-соңды онлайн форматта көрсетілмеген, енді цифрландырылатын қызметтер бар.
"Осы он қызметтің барлығын жыл соңына дейін толық онлайн форматқа көшіруді жоспарлап отырмыз. Жақында ғана жеке куәлікті қайта ресімдеу қызметі іске қосылды. Бұл ең маңызды сәттердің бірі шығар. Негізгі қызметтер құжаттама жолында. Пилоттық сынақтың нәтижесі бойынша, егер ол сәтті болса, одан әрі қолға алып, төлқұжаттарды қайта шығаруды бастаймыз", – деді вице-министр.
