2025 жылдың қорытындысы бойынша Қазақстанда 3,9 мыңға жуық дәрігерлік штат орны толмаған. Бұл туралы Премьер-министр Олжас Бектенов депутаттық сауалға берген жауабында мәлімдеді, деп жазады inbusiness.kz сайты.
Үкімет басшысының дерегінше, 2023-2025 жылдар аралығында дәрігер тапшылығы 20,4%-ға, ал ауылдық жерлерде 28,3%-ға азайған.
Өңірлерге мамандарды тарту үшін дәрігерлерге баспана мен қаржылай қолдау көрсетіліп жатыр. 2026 жылдың алғашқы 9 айында тапшы мамандықтар бойынша жұмыс істейтін 230 дәрігердің әрқайсысына 8,5 млн теңгеден берілген.
Бұдан бөлек, 223 дәрігер баспанамен қамтамасыз етілген.
Сондай-ақ Үкімет медицина қызметкерлерінің кәсіби мәртебесі мен оларға берілетін кепілдіктерді айқындайтын жеке заң жобасын қарастырады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
