Жалпы республика бойынша барлық түрлерін қоса есептегенде 39,8 млн тонна мал азығы әзірленді, деп хабарлайды inbusiness.kz сайты.
Жергілікті атқарушы органдардың мәліметінше, өңірлер 25 млн тонна шөп (жоспардың 103,1%), 1,9 млн тонна сенаж (113,3%), 5,4 млн тонна құрамажем (98,4%), 2,1 млн тонна силос (107,3%), 4,9 млн тонна сабан (106,6%) жинаған.
Бұл қыс маусымында малдарды ұстауға жеткілікті әрі сенімді қор қалыптастырады.
Бірқатар облыстар науқанды жоғары деңгейде өткізіп, жоспарды айтарлықтай артығымен орындады.
Аталған облыстар:
- Солтүстік Қазақстан (147,1%);
- Шығыс Қазақстан (116,0%);
- Алматы (105,6%);
- Жетісу (104,5%);
- Ақтөбе (103,2%);
- Қызылорда (102,3%);
- Ұлытау (102,4%).
Сенаж дайындау бойынша Солтүстік Қазақстан (163,5%), Жамбыл (114,6%), Қостанай (108,0%), Алматы (107,5%), Павлодар (105,0%), Түркістан (106,2%), Жетісу (105,1%) облыстары жоғары көрсеткішке қол жеткізді.
Мал азығы қазіргі деңгейде еліміздің мал шаруашылығы секторының қажеттілігін толық қамтамасыз етеді. Яғни, 2025-2026 жылдарға қысқы маусымда малды қыстатуды оңтайлы өткеруге, жемшөп тапшылығы тәуекелдерін барынша төмендетуге мүмкіндік береді.
