Кәсіпорын BL-CH4 метан лазерлік детекторымен жабдықталған ұшқышсыз ұшу аппаратын көпшілікке таныстырды, деп жазады inbusiness.kz сайты.
"Аталған дрон газ құбырларын әуеден тексере алады, яғни лазер сәуленің жұтылуы арқылы метанның бар-жоғын анықтайды. Бұл газдың шығуын құбырды тексерместен анықтауға және оның орнын қашықтан дәл белгілеуге мүмкіндік береді. Мұндай тәсіл инфрақұрылымның жай-күйін жедел бақылауға және газбен жабдықтаудың сенімділігін арттыруға көмектеседі", – делінген "Самұрық-Қазына" қорының хабарламасында.
Бұл – газ инфрақұрылымын цифрландыру және дамыту бойынша жұмыстардың бір бөлігі ғана. Бұдан бөлек, компания деректерді қашықтан жіберетін 1,3 миллионнан астам смарт-газ есептегішін орнатып, "толықтай дайын" форматтағы кешенді цифрлық жүйе құрып жатыр. Жоба ең алдымен Қазақстанның оңтүстік өңірлерінде іске асырылады.
