Елімізде қорықшылардың еңбекақысы екі есе өседі

534

Елімізде қорықшылардың лауазымдық еңбекақысы екі есе өседі. 

Елімізде қорықшылардың еңбекақысы екі есе өседі Фото: baq.kz

Бұл туралы Экология министрлігінің орман шаруашылығы және жануарлар дүниесі комитеті тиісті қаулы жобасын жариялады. 

Салада еңбек ететін 13 мыңға жуық маманның айлығын үш жыл ішінде 100 пайызға арттыру үшін жалпы сомасы 38 млрд теңге қажет. Ең көп қаржы, нақтырақ айтсақ 26 миллиард теңге жергілікті табиғат қорғау мекемелеріне бөлінуі тиіс. Онда барлығы 8689 қызметкер жұмыс істейді. 535 жұмысшысы бар республикалық мамандандырылған мекемелерге 1,6 миллиард, ал мемлекеттік балық өсіру кәсіпорындарына 359 миллион теңге қаражат керек. 

Қаулы осы айдың соңына дейін қоғам талқысында болады. Қабылданса, 1-шілдеде қолданысқа енеді. 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу