Биыл 11 айдағы құрылыс жұмыстарының көлемі 5 918,9 млрд теңгені құрады, бұл өткен жылдың сәйкес кезеңімен салыстырғанда 12,6% артық, деп хабарлайды Inbusiness.kz сайты.
Ұлттық статистика бюросының мәліметінше, құрылыс жұмыстары көлемінің 2022 жылғы қаңтар-қарашамен салыстырғандағы ұлғаюы ғимараттар (24,9%) мен тұрғын емес ғимараттар (6,8%) құрылысының және жөндеу жұмыстарымен байланысты.
Республика бойынша құрылыс жұмыстарының жалпы көлемінен орындалуы:
- жеке ұйымдар – 87,3%
- шетелдік ұйымдар – 12,5%
- мемлекеттік ұйымдар – 0,2%
Орындалған құрылыс жұмыстарының (қызметтерінің) түрлері бойынша 2023 жылғы қаңтар-қарашада ең көп үлес тұрғын емес ғимараттардың (жалпы көлеміне (19,5%), автомобиль жолдарының (14,8%) және тұрғын үйлер (14,2%) құрылысына тиесілі.
2023 жылғы қаңтар-қарашада пайдалануға берілген жаңа объектілердің жалпы ауданы 17 296,8 мың м2 құрады.
Пайдалануға берілген тұрғын үйдің жалпы ауданы 15,6% ұлғайып, 15 067,2 мың м2 құрады.
Олардың ішінде:
- 9 107,9 мың м2 – көп пәтерлі үйлер
- 5 862 мың м2 – жеке үйлер
