Қазақстандағы жеңіл автомобильдің орташа жасы 19,7-ден 19,9-ға артқан. Бұл жеңіл автомобиль паркінде ескірген техниканың басым екенін көрсетеді, деп хабарлайды "ҚазАвтоӨндіріс" автомобиль саласы кәсіпорындары одағының баспасөз қызметі.
"ҚазАвтоӨндіріс" 2021 жылдың 1 қаңтардағы жағдайы бойынша көлік құралдары паркінің құрылымы туралы ақпаратты жариялады.
Әкімшілік полиция органдарының мәліметінше, Қазақстанда барлық үлгідегі 4 миллион 520 мың көлік есепте тұр. Жеңіл және жеңіл коммерциялық автомобильдің үлесі - 3 миллион 758 мың бірлік техника немесе 83,2%.
Кейін тізімде жүк техникасы ( 423,1 мың бірлік, 9,4%), тіркеме мен жартылай тіркеме ( 214,3 мың бірлік, 4,7% ), автобус ( 67,9 мың бірлік, 1,5% ) және мототехника (55,9 мың бірлік, 1,2% ) тұр.
2020 жылдың қорытындысы бойынша Қазақстанның көлік паркі 4,47 миллион бірліктен 4,52 миллион бірлікке (+1,1%) өскен.
Жеңіл және жеңіл коммерциялық автомобиль саны 1,3%-ға артып, автобус паркі 7,1%-ға, мототехника паркі 0,7%-ға қысқарды.
Тіркемелер мен жартылай тіркемелер саны 3,3%-ға артты, ал жүк техникасы паркі бұрынғы деңгейде қалды.
Көлік құралы паркінің орташа жасы 20,5-тен 20,7-ге өсті. Бұл үрдіс көлік құралының барлық түріне қатысты.
2021 жылдың 1 қаңтардағы мәліметке сәйкес, жеңіл автомобильдің орташа жасы 19,7-ден 19,9-ға, жүк көлігі – 24,4-тен 24,8-ге, тіркеме –23,9-дан 24,3-ке, автобус – 18,2-ден 18,3-ке, мототехника – 30,1-ден 30,2-ге дейін өсті. Бұл дерек жеңіл автомобильдер паркінде ескірген техниканың басым екенін көрсетеді.
Мәселен автопарктің жартысына жуығының қолданыста болғанына 20 жылдан асқан (1,88 миллион бірлік, 49,9%): 11-ден 20 жылға дейін – 801,3 мың бірлік (21,3%), 8-ден 10 жылға дейін – 447,2 мың бірлік (11,9%), 6-дан 7 жылға дейін – 312,3 мың бірлік (8,3%), 3-тен 5 жасқа дейін – 154,7 мың бірлік (4,1%), 0-ден 2 жасқа дейін – 166,9 мың бірлік (4,4%).
Қазақстандық жүргізушілер арасындағы ең танымал көлік – LADA. Брендтің автопарктегі үлесі – 19,1% немесе 716,6 мың автомобиль.
Кейін тізімде "Toyota" (автопарктегі үлесі - 13,8%, 518,8 мың бірлік), "Volkswagen" (7,7%, 290,5 мың бірлік), "Audi" (5,7%, 214,9 мың бірлік), "Mercedes-Benz" (4,9%, 186,0 мың бірлік), "GAZ" (4,2%, 157,0 мың бірлік), "Mitsubishi" (4,1%, 152,7 мың бірлік), "Nissan" (4,0%, 151,8 мың бірлік), "Hyundai" (3,9%, 148,2 мың бірлік) және "Москвич" (3,0%, 110,9 мың бірлік) маркалары тұр.
Барлық үлгідегі көліктің ең ірі паркі - Алматыда (725,3 мың бірлік, 16,0%), Түркістан облысында (438,3 мың бірлік, 9,7%), Алматы облысында (421,6 мың бірлік, 9,3%), Нұрсұлтанда (358,1 мың бірлік, 7,9%) және Шығыс Қазақстан облысында (353,3 мың бірлік; 7,8%).
2021 жылдың 1 қаңтардағы мәліметке сәйкес Қазақстандағы автомобильдендіру деңгейі республиканың 1 000 тұрғынына шаққанда 199 жеңіл автомобиль болды.
Өткен жылдары бұл көрсеткіш (1 қаңтардағы мәліметке сәйкес) 2017 – 211 бірлік, 2018 – 207 бірлік, 2019 – 202 бірлік, 2020 – 199 бірлік болған.
Жеңіл автомобиль ағынының жоғары тығыздығы – Алматыда 332 бірлік, Нұр-Сұлтанда 270 бірлік, Солтүстік Қазақстан облысында 235 бірлік, Ақмола облысында 217 бірлік, Шығыс Қазақстан облысында 211 бірлік.
