Қазақстанның екі облысында ауа райына байланысты ескерту жарияланды, деп хабарлайды "Қазгидромет" РМК.
Кәсіпорын таратқан деректерге қарағанда, 1 тамызда Қызылорда облысының кей жерлерінде найзағай ойнап, дауыл тұрады. Солтүстіктен, солтүстік-шығыстан жел соғып, кей жерлерде күші секундына 15-20 метрге жетеді. Күндіз өте жоғары өрт қаупі сақталады.
Қызылорда қаласында 1 тамызда күндіз солтүстік-шығыстан жел соғып, екпіні секундына 16 метрге жетеді. Ауа райына болжамының ықтималдылығы 90-100%.
Қарағанды облысында шығыстан, солтүстік-шығыстан жел соғып, екпіні кей жерлерде секундына 15-20 метрге жетеді. Күндіз облыстың оңтүстігінде +35 градус аптап ыстық болады, өте жоғары өрт қаупі сақталады.
Ауа райы болжамының ықтималдылығы 70-75%.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
