Мұндай ақпаратты Ұлттық статистика бюросы таратты, деп жазады inbusiness.kz сайты.
Өткен жылдың қорытындысы бойынша Қазақстанға 15,7 млн шетелдік саяхатшы келген, бұл 2024 жылдың сәйкес кезеңімен салыстырғанда 3,1%-ға көп.
Қазақстанға туристердің көбі Өзбекстаннан келеді. Мәселен, 3 ай ішінде елге 1,1 млн саяхатшы келген. Екінші орынға Қырғыз Республикасы (723,5 мың адам) мен Ресей (564,7 мың адам) жайғасты.
2026 жылғы 1 сәуірдегі мәлімет бойынша, Қазақстанда 4 505 орналастыру орны (қонақ үйлер, отельдер, демалыс базалары және басқа да орналастыру құралдары) жұмыс істейді.
Ең танымал курорттық бағыттардың қатарына Алматы тау кластері (509,3 мың келуші), Шортанды-Бурабай курорттық аймағы (116,7 мың адам), Маңғыстау курорттық аймағы (53,3 мың адам), Түркістан туристік аймағы (39,4 мың адам), Алтай курорттық аймағы (30,3 мың адам) кірді.
