Елорда әкімдігі тұрғындарды карантин шараларын сақтауға шақырды, деп хабарлайды inbusiness.kz порталы әкімдіктің ресми сайтына сілтеме жасап.
Соңғы бір аптаның ішінде Нұр-Сұлтанда коронавирусты жұқтыру көрсеткіші алдыңғы аптадан 76%-ға жоғары.
Қазіргі таңда инфекцияның репродуктивті көрсеткіші яғни, бір адамның вирусты жұқтыру деңгейі 1,506-ке жеткен.
22 наурызда бір тәуліктің ішінде COVID-19 вирусын 203 адам жұқтырған (67- симптомсыз, 136 - симптомы бар науқас).
"Тіркелген 136 симптомдық жағдайдың 39-ы байланыста болған адамдар арасында анықталды. Ал 97 адам өз еркімен коронавирустың бар-жоғына тест тапсырған.
Сондай-ақ 14 жасқа дейінгі балалар арасында аурудың 39 жағдайы анықталды. Жалпы вирус жұқтырғандармен байланыста болған 357 адам тіркеуге алынды", - деп жазылды хабарламада.
Осыған байланысты Нұр-Сұлтан қаласы Санитариялық-эпидемиологиялық бақылау департаменті тұрғындарды карантин шараларын қатаң сақтауға шақырды:
- Маска тағу;
- Адам көп жиналатын орындарға бармау;
- Арақашықты сақтау;
- Қолды сабынмен жиі жуу немесе антисептикпен зарарсыздандыру;
Айта кетейік, елордада 28 561 мың адам коронавирус жұқтырды, 25 774 дертінен айықты.
Қазақстанда COVID-19 вирусын жұқтырғандар саны 235 095-ке жетті, 213 мыңға жуық адам аурудан жазылды.
2 941 адам көз жұмды.
