Баланың анасы Салтанат Ибраеваның айтуынша, оқиға кезінде ұлы үйдің маңында 8 жастағы әпкесімен ойнап жүрген, деп жазады inbusiness.kz сайты.
Сол сәтте көшеде ұйымдастырылған бәйге кезінде аттардың бірі баланы қағып кеткен. Салдарынан бүлдіршіннің басы жарақаттанып, қолы сынған, сондай-ақ, ішкі ағзалары зақымданған. Анасының сөзінше, балаға бірнеше ота жасалған.
Әйел оқиғаға кінәлі адам заң алдында жауап беруін талап етіп отыр. Күдікті осы уақытқа дейін кешірім сұрамаған.
Полиция бұл дерек бойынша қылмыстық іс қозғалғанын хабарлады. Қазір тергеу жүргізіліп жатыр.
Күдіктіге елден шықпау туралы бұлтартпау шарасы қолданылған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
