Мақсат Баймұханов монополистердің электр энергиясы үшін ақшаны заңсыз есептегеніне сенімді. Өйткені бұндай мөлшерде тоқ көзін пайдаланатындай жағдайда емеспіз дейді. Сөзінше, төрт бөлмелі пәтерде теледидар, электр шәйнек, тоңазытқыш пен ноутбуктан өзге техника қолданылмайды. Бұған дейін елордалық отбасы электр қуаты үшін ай сайын, шамамен 2 жарым мың теңге төлеп келген. Ал ақпан-наурыз айларына миллионға жуықтаған есепшот келгенде, төбе шашымыз тік тұрды дейді. Мақсат Баймұханов бірден мамандарды шақыртып, есептегіш құралын сараптамаға жолдаған. Дегенмен құрылғыны тексеру кезінде ешқандай ақаулар табылмапты. Азамат есептеуіш құралын өндірген ресейлік компаниясына да тексерткен екен. Ондағылар да олқылық таппай, кері қайтарған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
