Алматы ауданының мониторингтік топтары "Aisa" барында, "Oasis" кафесінде және "В9" компьютерлік клубында жұмыс режимі бұзылғанын анықтады.
Сондай-ақ, Сарыарқа ауданында орналасқан "Sreda" кафесі сағат 22:00-ден кейін де жұмысын тоқтатпаған. Мекеме қызметкерлері бетперде, әлеуметтік қашықтық режимін сақтамағаны белгілі болды.
Сол сияқты Байқоңыр ауданындағы "Мята" лаундж-бары да белгіленген режимді сақтаған жоқ.
Есіл ауданында жұмыс режимін бұзған тағы 5 қоғамдық тамақтану орны әкімшілік жауапкершілікке тартылды. Олардың арасында "Какие люди" ресто-бары, "Мост", "Мята" мейрамханалары, "Legends pub" бары, "Woklagman" фастфуд орны бар.
Карантин талаптарын бұзғандарға қатысты материалдар тиісті шара қабылдау үшін аудандық санитарлық-эпидемиологиялық бақылау басқармаларына жіберілді.
