1 желтоқсан күні Астананың ономастикалық комиссиясының кезекті отырысы өтті. Елордадағы Әл-Фараби даңғылын қаланың сол жағалауына көшіру жоспарланып отыр, деп жазады inbusiness.kz қалалық әкімдіктің ресми сайтына сілтеме жасап.
"Астананың ономастикалық комиссиясының отырысына Есіл ауданында орналасқан № 38 жобалық атауы бар көшеге ұлы ғалым Әл-Фарабидің есімін беру туралы шешім қабылданды. Бұл көше Тәуелсіздік даңғылындағы салынып жатқан көпірдің артында орналасқан. Қаланың болашақ жоспарына сәйкес бұл көше Есіл өзенінен басталып, жалпы ұзындығы 7 шақырымнан асатын Қабанбай батыр даңғылына дейін созылатын үлкен даңғылдардың бірі болады", - делінген хабарламада.
Ақпаратқа сәйкес, комиссия отырысында қаралған ұсыныстар қалалық мәслихаттың тұрақты комиссияларының жария тыңдауларына, Астана қоғамдық кеңесінің қарауына жіберілмек.
