Бұл туралы үкімет отырысында білім және ғылым министрі Асхат Аймағамбетов айтты.
"Мектепке дейінгі ұйымдарда ата-аналардың қалауы бойынша балаларды кезекші топқа қабылдау ұйымдастырылады. Бұл топтағы балалардың саны 15-тен аспауға тиіс", – деді министр.
Асхат Аймағамбетовтің сөзінше, балалар қосымша білім беру ұйымдарында ата-аналардың өтініші бойынша қашықтан оқиды немесе 5 баладан аспайтын шағын топтардағы үйірмеге қатысады.
"Арнайы білім беру ұйымдарының жұмысы біз үшін ерекше маңызға ие. Осы ерекше бүлдіршіндер қазіргі жағдайда үлкен назарды қажет етеді. Сондықтан ата-аналарының таңдауы бойынша арнайы онлайн кеңес беру немесе мамандардың жеке қабылдауы ұйымдастырылады. Денсаулығында күрделі проблемалары бар балаларды қабылдау алдын ала жазылу тәртібімен жеке жүргізіледі", – деді Асхат Аймағамбетов.
Қанат Махамбет
