Испания премьер-министрі Педро Санчес мінген ұшақ Ереван қаласына бара жатқан жолда Анкарада шұғыл қонды, деп хабарлайды inbusiness.kz сайты.
"Испания премьер-министрі Педро Санчес мінген, Мадридтен Ереванға бағыт алған ұшақ техникалық ақауға байланысты Анкарада шұғыл қонуға мәжбүр болды", – деп хабарлады Арменияның қоғамдық телеарнасы.
Педро Санчес Еуропалық саяси қоғамдастықтың 8-саммитіне қатысу үшін Армения астанасына ұшып бара жатқан.
ТАСС агенттігінің хабарлауынша, түн ішінде Испания премьер-министрінің ұшағындағы техникалық ақау жойылған. Лайнер бүгін Анкарадағы Есенбоға әуежайынан ұшып шықты.
Педро Санчес Анкарада қонып, таңертең қонақүйден дипломаттар мен үкіметтік күзетпен бірге шыққан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
