Ұшу алдында жолаушылардың бірі әдепке сай емес, деструктивті әрекет жасап, сапардан бас тартқаны да белгілі болды, деп хабарлайды inbusiness.kz сайты.
– 2025 жылғы 1 маусымда Алматы әуежайында жолаушы ағынының жоғары болуына байланысты әуекомпанияның бірнеше рейсі кешіккенін хабарлаймыз.
Бұл Алматы – Шымкент бағытындағы 7107 рейсін орындауға дайындық барысында әуе кемесіне қосымша жанармай құю қажеттігіне алып келді.
Авиациялық қауіпсіздік талаптарына сәйкес, барлық жолаушы ұшақтан түсіріліп, әуе кемесіне толық тексеру жүргізілді, – деп ақпарат таратты компанияның баспасөз қызметі.
Десе де, ұшуға арналған күту аймағында жолаушыларға су және тамақтануға арналған ваучерлер таратылған. Рейс жергілікті уақыт бойынша 18:47-де ұшқан.
FlyArystan әуекомпаниясы өз кезегінде қауіпсіздік мәселесіне басты басымдық беретінін еске салды. Барлық белгіленген рәсімдер мен талаптардың қатаң сақталуы қауіпсіздікті қамтамасыз етудің негізгі кепілі саналатынын ескертеді.
Бұған дейін Boeing-777 ұшағының жолаушысы қайтыс болып, шұғыл Ақтөбеге қонғанын хабарлаған едік.
