17 қазанда Францияның түкпір-түкпірінде 550 мыңнан астам адам тұрмыс құнының қымбаттауына және білім беру жүйесіндегі мәселелерге қарсы шеруге шықты. Бірқатар қалада наразылық соңы тәртіпсіздікке ұласты.
Париждің әкімі Эмманюэль Грегуар қаланың тұтас көшелері "жаппай әрі жүйелі түрде қиратуға ұшырағанын" мәлімдеді. Лионда туристік ақпарат орталығы өртенсе, Лимож қаласында 140 жылдан астам тарихы бар мэрия ғимаратына өрт қойылды.
17 қазан күні кешке Франция үкіметі шұғыл жиын өткізді. Премьер-министр Себастьян Лекорню тәртіпсіздіктерге "аса солшыл топтарды" кінәлап, болған оқиғаны "аса жоғары деңгейдегі зорлық-зомбылық" деп бағалады. Франция президенті Эмманюэль Макрон ғимараттар мен дүкендерді қиратқан, оларды тонаған адамдардың жауапқа тартылып, жазаланатынын мәлімдеді.
