Жексенбіде Францияның батысындағы Ле-Контамин-Монжуа қаласының маңындағы Армансетт альпілік мұздықтан түскен көшкін кем дегенде төрт адамның өмірін қиды, тоғызы зардап шекті, деп хабарлайды inbusiness.kz Le Point газетіне сілтеме жасап.
Le Dauphine Liberated басылымы қар көшкіні туралы ескерту жергілікті уақыт бойынша 11:27-де (Астана уақытымен 15.27) түскенін жазады. Оның ені 100 метрге, ұзындығы 1000 метрге жетті, жергілікті билік хабарлағандай, іздеу-құтқару жұмыстары түнде тоқтатылып, таңертең қайта басталады.
Көшкінге байланысты Франция президенті Эммануэль Макрон сөз сөйледі.
"Альпідегі Армансетт мұздығындағы көшкін, өкінішке орай, адам өліміне әкелді. Біз олардың отбасылары мен жақындарына көңіл айтамыз. Қалған адамдарды қар арасынан табу үшін бар құтқару күштерін жұмылдырамыз", — деп мәлімдеді Франция көшбасшысы.
