Mercedes-Benz G көліктері 40 жылдан бері шығарылып келеді. Алғашқы сериялық өндіріс 1979 жылы басталса, бүгінге дейін Гелендвагеннің 300 мың данасы шығарылған екен, деп хабарлайды The Driver басылымына сілтемемен naryk.kz.
Биыл қыста немістер эксклюзивті Mercedes-Maybach G 650 Landaulet көліктерінің барлығын сатып жіберсе, артынша G 500 4×4² көліктерінің барлығы өтіп кетті.
Бүгінде енді кәдімгі Гелендвагеннің соңғылары шығарылып жатыр. Соңғы модельдер осы қазан айының соңына дейін бар болғаны 65 дана болып шығады. Көліктің бағасы әзірге белгісіз.
Соңғы шығарылмың құрметіне көліктің моделі Mercedes-AMG — G 65 Final Edition деп аталуда.
Жаңа көліктер 6 литрлік V12 қос турбиналы болып шығарылуда. Көлік 100 км/сағатты 5,3 секундта алғанымен, максималды жылдамдық 230 км/сағатпен шектеледі.
Жаңа көліктің бұрынғыларынан айырмашылығы интерьерде.
