Kazakh invest ұлттық компаниясының басқарма төрағасы Мейіржан Юсупов Becker Mining Systems, Redpath Deilmann Gmbh компанияларының басшыларымен кездесті.
Кездесу барысында германиялық инвесторлармен елде тау-кен металлургия, машина жасау саласында жаңа жобаларды жүзеге асыру мәселесі талқыланды.
"Оның ішінде қазақстандық тау-кен металлургия кәсіпорындары үшін тау-кен металлургия жабдықтарын құрастыру, жылдам шахта салу үшін күніне 5 метрге дейін топырақ бұрғылауға арналған инновациялық жабдық әзірлеу, машина жасау саласындағы инвестициялық жобаны жүзеге асыру мәселесі қаралды", - деп жазылған ұлттық компания таратқан хабарламада.
Мейіржан Юсуповтың айтуынша, тау-кен металлургия кешені отандық өнеркәсіпте басымдыққа ие.
"Бізде бірлескен инвестициялық ынтымақтастық үшін үлкен әлеует бар. Сондықтан инвестициялық жобаларыңызға жан-жақты қолдау көрсетуге дайынбыз. Ұзақ мерзімді ынтымақтастыққа үміттенеміз", - деді басқарма төрағасы.
