Батыс Қазақстан облысының Ақсай қаласында ғимарат қоршауына заңсыз жазу жазған 19 жастағы жігіт 5 тәулікке әкімшілік қамауға алынды, деп хабарлайды inbusiness.kz сайты.
Полиция қызметкерлері ЖБО камераларын зерделеу кезінде жас жігіттің ғимараттардың бірінің қоршауына жазу жазып жатқанын байқаған. Құқық бұзушы оқиға орнында ұсталып, полиция бөліміне жеткізілді.
Сот шешімімен Александр Александров кінәлі деп танылып, оған 5 тәулік әкімшілік қамау жазасы тағайындалды. Заңсыз жазу жойылды.
Полиция заңсыз жазулар мен граффити салу әкімшілік жауапкершілікке әкеп соғатынын ескертті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
