Ведомство басшысының айтуынша импортты алмастыратын жобаларға жеңілдетілген қаржылық қолдау ұсынылады.
Атап айтқанда, шағын және орта бизнес үшін өңдеу өнеркәсібі жобаларына пайыздық мөлшерлеме 3-7%-ға дейін болмақ.
Жеңіл шарттармен қаржылай қолдау алу үшін:
- Жобаның басым бағыттарға сәйкес келуі (міндетті түрде қайта өңдеу саласына жатқызылуы);
- Шағын және орта бизнес субъектісі болуы (ҚДБ қаржылық қолдауын пайдаланатындарды қоспағанда) тиіс.
"Бағдарлама биыл жаздың ортасында іске қосылады. Барлық рәсімдер аяқталғаннан кейін БАҚ-та ақпарат ашық жарияланады. Құрметті бизнес қауымдастықтардың өкілдері, егер жобаларыңыз көрсетілген негізгі өлшемдерге сәйкес келсе, көрсетілген тікелей орындаушыларға хабарласуды сұраймыз. Барлық мәселелерді өз құзыретіміз шеңберінде қарастырып, пысықтауға дайынбыз", – деп мәлімдеді министр.
Қайырбек Өскенбаев сондай-ақ бірінші кезеңде 131 негізгі жобаны іске асыру 5,6 трлн теңге көлемінде инвестиция тартуға мүмкіндік беретінін, оның 1,3 трлн теңгесі ғана бюджеттік несие түрінде бөлінетінін айтты.
Құралай Құдайберген
