Иранда наразылықтар кезінде 6 адам қаза тапты, деп хабарлайды inbusiness.kz сайты BBC-ге сілтеме жасап.
Fars ақпарат агенттігі мен Hengaw құқық қорғау ұйымының мәліметінше, елдің оңтүстік-батысындағы Лордеган қаласында наразылыққа шыққан халық пен полиция арасындағы қақтығыс болды. Салдарынан екі адам қаза тапты. Тағы үш адам Азна қаласында және бір адам елдің батысындағы Кухдашт қаласында көз жұмған.
1 қаңтар күні елдің әртүрлі аймақтарында валютаның құнсыздануы салдарынан бүлік басталғаны туралы ақпарат тарады.
BBC-дің Парсы қызметі тексерген видеоларда Лордеган қаласында, Тегеранда және Фарс провинциясының Мардвашт қаласында бейсенбі күні өткен наразылықтар бейнеленген.
Айта кету керек, бұған дейін Иран ақшасы құнсызданып жатқанын жазған болатынбыз.
