Қазақстанда өткен жылы 48,2 мың ажырасу тіркелсе, соның 34,8 мыңы (72,2%) қала тұрғындарының үлесіне тиесілі, деп жазды inbusiness.kz Ұлттық статистика бюросына сілтеме жасап.
"Елордада ажырасудың жоғары деңгейі байқалды, 1000 адамға шаққанда ажырасу коэффициенті 3,54 жағдайды құрады, Түркістан облысында ең төмен – 1000 адамға 1,20 жағдай", – деп хабарлады бюро.
Көбінесе ортақ баласы жоқ ерлі-зайыптылар ажырасады екен – 60,5%, ортақ бір баласы барлар арасындағы ажырасу үлесі – 20,8%, кәмелетке толмаған 2 және одан көп баласы барлардың үлесі – 18,7%.
Ажырасқандардың некеде болған уақыты бойынша үлесі:
- 34,1% – 10 жылдан астам отасқандар;
- 26,3% – 5-9 жыл отасқандар;
- 21,4% – 2-4 жыл отасқандар;
- 7,8 % – 1 жылдан артық отасқандар;
- 5,5% – 1 жылға дейін отасқандар.
Құралай Құдайберген
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
