Егіндікөл ауданында аудан прокуроры Азамат Аяғановтың жеке қабылдауына келген тұрғын банктік шоттарының жеке сот орындаушысы тарапынан бұғатталғанына шағымданған, деп хабарлайды inbusiness.kz сайты.
Тексеру барысында шектеу шаралары салдарынан оның кәмелетке толмаған қызының да банктік шоты бұғатталғаны анықталды. Соның кесірінен бала мектеп асханасындағы тамақтану ақысын төлей алмаған.
Прокурордың жедел араласуынан кейін бұзылған құқықтар қалпына келтіріліп, кәмелетке толмаған баланың шотынан барлық шектеулер алынды.
Өтініш иесі көрсетілген көмек үшін облыс прокурорының атына алғыс хат жолдаған. Прокуратура өкілдерінің айтуынша, азаматтарды жеке қабылдау олардың құқықтарын қорғаудың тиімді тетіктерінің бірі болып қала береді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
