Биыл Қарағанды облысына шетелден 2929 бас ірі қара мал жеткізілген. Оның ішінде 722-і – Чехиядан, 45-і – Беларусь Республикасынан және 2162-і – Ресей Федерациясынан. 206797 тәуліктік балапандар әкелінген, оның ішінде Ресейден – 155200 және Венгриядан – 51597.
Аймақтың ветеринарлық бақылау, ветеринарлық-санитарлық және тағам қауіпсіздігі мәселелері бойынша кеңейтілген кеңес өтіп, мал ауруларына қатысты мәселелер қозғалды.
"Биыл мал ауруларының 13 түрін алдын алу және 30 түрін диагностикалау бойынша іс-әрекеттер өткізілді. Облыстық бюджеттен жануарлар ауруларының алдын алу үшін ірі қара малдың тейлериозына қарсы 15 мың доза, сондай-ақ жылқы үшін 111 мың доза сатып алынды", – деді ветеринария басқармасының басшысы Қайырбек Тұрсынбеков атқарылған шаруаларға тоқталып.
Айта кетсек, Қарағанды облысында барлығы 840 ветеринар жұмыс істейді. Оның ішінде ветеринария басқармасында – 13, бөлімдерде – 64, ветеринарлық стансаларда – 73, және штаттан тыс 633 маман.
