Қарағанды қаласында Мұқанов көшесінде орналасқан көпсалалы ауруханада өрт шықты, деп жазады inbusiness.kz сайты.
112 пультіне ауруханадағы өрт туралы хабарлама түскен. Алдын ала мәлімет бойынша, ғимаратта жиналған макулатура өртенген. Өрт бір қабатты кіреберіс бөліктің ағаш шатыр құрылымына тарайды. Бұл құрылыс аурухананың негізгі 5 қабатты ғимаратына жапсарлас орналасқан.
ТЖМ құтқарушылары аурухана әкімшілігімен бірге қауіпсіздік мақсатында 20 науқасты ғимараттың көрші бөлігіне эвакуациялады.
25 шаршы метр аумақтағы өрт толық сөндірілді. Құтқарушылар жалынның аурухананың негізгі ғимаратына таралуына жол бермеді. Зардап шеккендер жоқ.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
