Жасөспірім көпқабатты тұрғын үйдің төбесіне кірпіштерді қалап қойып, көпшілікке қауіп төндірген, деп хабарлайды inbusiness.kz сайты.
Қарағанды облысының полицейлері аталған дерек бойынша құқық бұзушының жеке басын анықтау шаралары жүргізіліп жатқанын мәлімдеді.
– Баланың жеке басы анықталғаннан кейін, жасөспірімнің ата-анасы бала тәрбиесіне тиісті дәрежеде көңіл бөлмегені үшін заңда көзделген жауапкершілікке тартылады, – дейді олар.
Мұндай іс-әрекеттер тұрғындардың өмірі мен денсаулығына айтарлықтай қауіп төндіреді. Қарағанды облысының полиция департаменті осы секілді қауіпті ойындар қатаң шаралар арқылы тоқтатылатынын ескертіп отыр.
– Ата-аналарға балалардың жүріс-тұрысын мұқият қадағалап, мұндай құқықбұзушылықтарға жол бермеу қажеттігін қатаң түрде еске салады, – деп жазылған полиция хабарламасында.
