Әлеуетті өнім берушіден өзге де біліктілік талаптарымен қатар, әуе көлігінің "VIP-салондармен, VIP-персоналарға арналған жолаушы орнының шектелген санымен" жарақталуы талап етілген, деп жазады inbusiness.kz
Сатып алынатын қызметтердің техникалық ерекшелігінде лоттың атауы "кестесіз жолаушыларды тасымалдау бойынша әуе көлігінің қызметтері" деп көрсетілген. Өлшем бірлігі – бір қызмет, саны – 1. Қосылған құн салығын қоспағанда бірлік бағасы – 516 071 428.57 теңге.
Өнім берушіден жолаушыларды кестесіз тасымалдау бойынша әуекөлігі көрсететін қызметтерді сатып алу шарттарының арасында ұшулардың толық қауіпсіздігін қамтамасыз ету; әуе кемесінің шұғыл ұшуын қамтамасыз ету: бағыт бойынша қиылысатын елдердің дипломатиялық рұқсаттарын алуды талап ететін халықаралық рейстерді қоспағанда, өтінімді алғаннан кейін 3 сағат ішінде әуе кемесінің (қолжетімділігі бойынша) дайындығын қамтамасыз ету және тағы басқа талаптар бар. . Көрсетілетін қызметті ұсыну мерзімі – 2023 жылы 1 қаңтардан бастап 31 желтоқсанға дейін.
