Сауда-саттық жаңа ашылған KASE Global секторында сағат 11:20-дан 22:00-ге дейін өткізіледі. Есеп айырысулар "Т+2" шартымен жүргізіледі, атап айтқанда есеп айырысу мәміле жасалған күннің ертеңінде болады.
Бастапқы кезеңде америкалық алаңдарда листингтен өткен және KASE тізіміне енгізілген (13 қағаз - ИФ-К) шетелдік акциялар ғана қолжетімді болады. Құнды қағаздарға АҚШ долларымен баға белгіленеді.
"KASE саудаланатын құралдар санын арттыру, сауда-саттық өткізу уақытын ұлғайту және жаңа секторда неғұрлым белсенді сауда жасау үшін маркет-мейкерлерді тартуды жоспарлап отыр", – делінген биржаның хабарламасында.
Айта кетсек, Қазақстан қор биржасы 1993 жылы Қазақстан Ұлттық Банкі мен еліміздің 23 Банкінің бастамасымен құрылды. Қазіргі уақытта KASE шартты түрде бес негізгі секторға бөлінген: шетел валюталары нарығы, мемлекеттік құнды қағаздар нарығы, акциялар және корпоративтік облигациялар нарығы, РЕПО операциялары нарығы және деривативтер нарығы.
