Бұл туралы Үкімет отырысында Цифрлық даму, инновациялар және аэроғарыш өнеркәсібі министрі Бағдат Мусин мәлім етті.
"Елімізді өңірлік цифрлық хаб ретінде қалыптастыру үшін ұзындығы 380-400 шақырым Каспий теңізінің түбімен талшықты-оптикалық байланыс желілерін жүргізу қажет. Ұлттық Батыс-Шығыс гипермагистраль құрылысы Қазақстан аумағы бойынша және суасты кабелі арқылы Әзербайжанға, одан әрі Еуропаға Қытай трафигінің шығуын көздейді. Сонымен қатар, транзит пен халықаралық трафикті сақтау үшін Tier-III деңгейінен төмен емес деректер орталықтарын құру қажет", – деді Мусин.
Осылайша, жоғарыда аталған жобаларды іске асыру деректердің халықаралық транзитінің баламалы бағытын және ел нарығына кемінде 3 технологиялық компанияларын тартуды қамтамасыз етеді.
