Аталған байқауда, Қазақстанның намысын Қазақ ұлттық хореография академиясының студенті Әбілмансұр Сырманов қорғады, деп хабарлайды inbusiness.kz сайты.
Финалда ол А. Аданның "Жизель" балетіндегі Альберттің вариациясын және заманауи би нөмірін орындап, алтын медаль иегері атанды.
Байқаудың қазылар алқасына әлемге танымал балет өнерінің шеберлері – Нина Ананиашвили, Владимир Малахов, Син Лили, Эрик Гильере және басқалары болды. Ал байқаудың кеңесшісі ретінде Сяо Сухуа, Джао Рухенг, Фэн Инг және өзге де танымал тұлғалар шақырылды.
Академияның көркемдік жетекшісі Алтынай Асылмұратова бұл жеңіс Қазақстан балет өнерінің халықаралық деңгейдегі абыройын асқақтатқан айтулы жетістік екенін атап өтті.
Биылғы байқауда 10 елден 57 талантты биші өнер көрсетіп, үздік балет мектептерінің деңгейін көрермен қауымға паш етті.
Студенттердің Қытайға сапары Қазақстан Республикасының Мәдениет және ақпарат министрлігінің, CNPC мен PetroKazakhstan компанияларының қолдауымен және Қазақстанның Қытайдағы елшілігінің көмегімен ұйымдастырылды.
