Рейтингтің көшбасшысы – Сингапур. Бұл елдің азаматтары зерттеуде ескерілген 227 ел мен аумақтың 192-сіне визасыз бара алады, деп хабарлайды inbusiness.kz сайты.
Екінші орында – Жапония мен Оңтүстік Корея, олардың паспорттары 188 мемлекетке визасыз кіруге мүмкіндік береді.
Үшінші орынға бірден 5 еуропалық мемлекет жайғасты: Дания, Люксембург, Испания, Швеция және Швейцария. Бұл елдердің азаматтары әлемнің 186 еліне еркін кіре алады.
Қазақстанның да позициясы жақсарды. Бір жыл ішінде қазақстандық паспорт төрт сатыға көтеріліп, 61-орынға шықты. Қазіргі уақытта Қазақстан азаматтары визасыз 78 елге бара алады. Рейтингте республика Боливия және Суринаммен бір қатарда тұр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
