Еліміз білікті мамандары бойынша әлемнің алғашқы отыз елінің қатарына енді. Осылайша, маман дайындау мен оларды ұстап тұру және шетелдік кадрларды тарту бойынша жүргізілген халықаралық рейтингте Ресей, Жапония секілді елдерді басып озды.
Мұндай сараптаманы жылдағы дәстүр бойынша IMD World Talent Ranking халықаралық менеджментті дамыту институты жасаған. Оның нәтижесі бойынша Қазақстан былтырғы көрсеткішінен 14 сатыға жоғарылап 30-шы орынға жайғасқан. Ал, бізден кейінгі орында Жапония тұрса, Ресей 43-ші болып отыр. Сараптаманың жеңімпазы тағы да Швейцария деп танылды. Ал, алғашқы ондыққа биыл Дания, Бельгия, Австрия, Финляндия, Нидерланды, Норвегия, Германия, Швеция және Люксембург енген. Жалпы, рейтингке әлемнің 63 елі қатысқан.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
