Премьер-Министрінің орынбасары - Қаржы министрі Ерұлан Жамаубаев Еуразия даму банкіндегі Ресейдің үлесін сатып алу жөніндегі мәмілеге қатысты айтты деп хабарлайды, inbusiness.kz
Оның сөзінше, Қазақстан Еуразия даму банкінің 4,2% үлесін Ресейден сатып алу туралы келіссөз жүргізуде.
"Келіссөздер жүріп жатыр, үлесті сатып алу ақысы бірнеше кезеңге бөліп төленеді. Жылдарға бөліп есептеген де соншалық үлкен жүктеме шығады деп ойламаймын. Жылына шамамен 7 млрд теңгемен, бюджетке салмақ салмау үшін төлем бірнеше жылға бөлінеді. Жалпы сома 25-30 млрд теңге шамасында болады", - деді Ерұлан Жамаубаев.
Бұдан бұрын, ақпарат құралдары Ресей ЕАЭО-қа мүше елдерге ЕАДБ-дегі үлесінен 4,2%-дан алуды ұсынғаны туралы ақпарат тараған болатын.
Қазіргі таңда Қазақстанның Еуразия даму банкіндегі үлесі 32,9%-ды құрайды.
