Қазақстан мен Францияның Сыбайлас жемқорлыққа қарсы ведомстволары бірлескен Меморандумға қол қойды

712

Кездесу барысында Сыбайлас жемқорлықты алдын алу және онымен күресу саласындағы ынтымақтастық туралы Меморандумға қол қойылды. 

Қазақстан мен Францияның Сыбайлас жемқорлыққа қарсы ведомстволары бірлескен Меморандумға қол қойды Фото: Сыбайлас жемқорлыққа қарсы күрес агенттігі

Мемлекет басшысының Францияға ресми сапары шеңберінде, сондай-ақ 2022 жылғы 30 қарашада Париж қаласында сыбайлас жемқорлыққа қарсы іс-қимыл саласында бұрын қол жеткізілген уағдаластықтарды іске асыру үшін Сыбайлас жемқорлыққа қарсы іс-қимыл агенттігінің Төрағасы Олжас Бектенов Францияның Сыбайлас жемқорлыққа қарсы іс-қимыл агенттігінің директоры Шарль Дюшенмен кездесті, деп жазады inbusiness.kz ведомствоның баспасөз қызметіне сілтеме жасап.

“Осы құжат шеңберінде екі тарап арасында сыбайлас жемқорлықтың алдын алу, оның алғышарттары мен салдарын жою, сыбайлас жемқорлыққа қарсы саясатты стратегиялық жоспарлау, сыбайлас жемқорлыққа қарсы іс-қимыл саласындағы кәсіби білім мен зерттеулер мәселелерінде тәжірибе алмасуды жүзеге асыру жоспарлануда”, делінген ақпаратта..

Сонымен қатар,  екі елдің сыбайлас жемқорлыққа қарсы ведомстволары өз қызметкерлерінің біліктілігін арттыру үшін бірлескен оқыту бағдарламаларын ұйымдастыруға ниет білдірді.

 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу