2017 жылдың қаңтар-қараша аралығында қазақстандық мұнайды экспорттаудан түскен табыс 23,5 млрд доллар (61,7 млн тонн) болған.
Жеткізу көлемі 2016 жылдың осындай кезеңімен салыстырғанда 37,1%-ға өскен.
Статистика комитетінің мәліметі бойынша, қазақстандық мұнайды ең ірі сатып алушы Италия болған, олар 7,4 млрд долларға мұнай алған. Осы елге жасалған экспорт бір жыл ішінде 15,3%-ға өскен.
Голландия 3,3 млрд долларға, Швейцария – 2,1 млрд долларға, ал Франция - 2,5 млрд долларға шикізат сатып алған.
Сонымен қатар Испанияға 1,3 млрд долларға, Грекияға - 712,6 млн долларға, Румынияға - 761,6 млн долларға, Қытайға - 689,9 млн долларға, Португалияға – 528,7 млн долларға мұнай экспортталған.
Сондай-ақ қазақстандық мұнай Хорватияға (288,7 млн доллар), Кореяға (783,7 млн доллар), Үндістанға (543,5 млн долларға) экспортталған.
