Биылғы жылдың қаңтарында Қазақстан мұнайының бір тоннасы 41,6 мың теңгені құрады, деп мәлім етті статистика комитеті.
2016 жылдың желтоқсанымен салыстырғанда (38,8 мың теңге) бұл көрсеткіш 7%-ға өскен.
Әсіресе қызылордалық мұнай бағасы айтарлықтай көтерілген. Қаңтарда оның котировкалары тоннасына 58,6 мың теңгені құрады. Бұл желтоқсандағы көрсеткіштен (тоннасына 52,9 мың теңге) 10,6%-ға жоғары.
Ал Атырау мұнайы өткен айда 37,7 мың теңгеден 40,4 мың теңгеге (7,3%) қымбаттады.
Сондай-ақ Ақтөбе және Маңғыстау облыстарында бағаның жоғарлағаны байқалды. Аталмыш аймақтарда өндірілетін мұнайдың құны 6,8% және 4,8%-ға, тоннасына 41,9 мың және 37,4 мың теңгеге өсті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
