Қазақстан ОПЕК+ келісімінен шықпайды, деп жазады inbusiness.kz сайты Энергетика министрлігіне сілтеме жасап.
Ведомствоның ресми өкілі Әсел Серікпаева БАӘ төңірегіндегі соңғы талқылауларға байланысты Қазақстанның ОПЕК+ келісімінен шығуы мүмкін деген ақпаратқа түсініктеме берді.
– Қазіргі таңда елдің альянстағы қатысу форматын өзгерту мәселесі күн тәртібінде тұрған жоқ, – деді ресми өкіл Әсел Серікпаева.
Министрлік Қазақстанның OPEC+ аясындағы міндеттемелерін орындауды жалғастыратынын атап өтті.
Айта кетейік, бұған дейін Біріккен Араб Әмірліктері 1 мамырдан бастап OPEC және OPEC+ құрамынан шығатынын мәлімдеген еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
