Статистикалық мәліметтерге сүйенсек, 2019 жылғы шілде айының соңындағы жағдай бойынша, Қазақстанда 2,5 мың Қытай кәсіпорны тіркелген, оның ішінде жұмыс істеп тұрғаны – 1,1 мың.
Сондай-ақ ел аумағында 3 Қытай банкі жұмыс істейді: Altyn Bank, Bank of China Kazakhstan және ICBC (Қытайдың сауда-өнеркәсіптік банкі). Бірінші жартыжылдықтың қорытындысы бойынша, банктердің активтері 886,2 млрд теңгеге немесе банк секторының жалпы көлемінің 3,5%-на жетті.
Қазақстанда жалпы сомасы 27,4 млрд АҚШ долларын құрайтын 55 Қазақстан-Қытай жобасы жүзеге асырылуда. 2015-2018 жылдар аралығында 10 кәсіпорын іске қосылған.
Finreview.info ұсынған мәлімет бойынша, бүгінде 13 жоба іске асыру кезеңінде. 2019 жылы жалпы сомасы 350 млн АҚШ долларын құрайтын 3 жобаны қосу күтілуде.
