Елімізде жыл соңына дейін 350 емхана мен дәрігерлік амбулатория салынады. Бұл туралы Үкіметінің отырысында ҚР Премьер-Министрі Бақытжан Сағынтаев мәлім етті, деп хабарлайды strategy2050.kz.
"Денсаулық сақтау жүйесі – әрбір адамға қатысты маңызды сала. Медициналық қызметтерге қолжетімділік пен олардың сапасы Мемлекет басшысының тұрақты бақылауында. Тәуелсіздік жылдары ішінде елімізде мемлекет қаражатына 1300-ден астам денсаулық сақтау объектісі салынды, соның ішінде жыл соңына дейін 350 емхана мен дәрігерлік амбулатория салынады", - деп хабарлады Б. Сағынтаев.
Премьер-министр Мемлекет басшысының тапсырмасы бойынша барлық өңірлерде кардиохирургиялық емдеу бөлімшелері ашылғанын, Қазақстанда алғаш рет жүрек пен миға ота жасала басталғанын атап өтті.
"Ағымдағы жылғы 8 ай ішінде Қазақстанға емделуге келген шетелдік азаматтардың саны 7,5 мың адамнан асты. Іске асырылған шаралардың нақты мақсаты – халықтың өмір сүруінің орташа ұзақтығын ұлғайту, ол Тәуелсіздіктің алғашқы жылдарында 67 жасты құраса, қазір 72 жасқа жеткен. 25 жыл ішінде біз өмір сүрудің орташа ұзақтығын 5 жылға ұлғайттық. Сонымен бірге, ана өлімі – 5 есе, балалар өлімі 3 есе азайған. Бұл өте үлкен жетістік", – деп атап өтті Б. Сағынтаев.
