"Эксимбанк Қазақстан" АҚ басқармасының бұрынғы төрағасы, Қазақстандағы 50 ауқатты адамның қатарындағы кәсіпкер Еркін Әмірханов ұсталды, деп хабарлайды Zakon.kz.
"2018 жылдың 3 мамырында Ұлттық қауіпсіздік комитетінің тергеу департаменті "Центрказэнергомонтаж" АҚ-ның (Астанада мемлекеттік келісім-шарттар бойынша мердігерлік жұмыстармен айналысады) бұрынғы төрағасы Е.А.Әмірхановқа қатысты сотқа дейінгі тергеу амалдарын бастады. Күдіктіге қылмыстық кодекстің 253-бабының 6-бөлімі бойынша (Параға коммерциялық сатып алу) қылмыс жасады деген айып тағылып отыр", - делінген ҚР ҰҚК берген ақпаратта.
5 мамырда Әмірханов ұсталған, ал 6 мамырда Астанадағы Есіл ауданының №2 сотымен оған қатысты 2 айға "күзетпен ұстау" шарасы қолданылды.
Сотқа дейінгі тергеу жалғасып жатыр. Қылмыстық іс жүргізу кодексінің 201-бабының 1-бөліміне сәйкес (Сотқа дейінгі тергеу деректерiн жария етуге жол бермеу туралы) әзірге өзге ақпарат берілмеді.
