Елімізде мұнай мен мұнай өнімдерінің барлық негізгі түрлерінің босату бағасының өскені тіркелді, деп жазады inbusiness.kz сайты lsm.kz порталына сілтеме жасап.
2026 жылдың шілде айында ел бойынша шикі мұнайдың орташа бағасы тоннасына 103 мың теңгені құрады. Бұл өткен жылдың ұқсас кезеңіндегі көрсеткіштерден 3,2 пайызға жоғары. Шикізат әсіресе Маңғыстау (6,8 пайызға, 117,9 мың теңгеге дейін) және Қызылорда облыстарында (6,3 пайызға, 118,7 мың теңгеге дейін) қымбаттады.
Атырау облысында мұнай тоннасының құны 97,8 мың теңгеге (+2,6 пайыз), Ақтөбе облысында 118,1 мың теңгеге (+1,6 пайыз) дейін көтерілді.
Сонымен қатар отандық МӨЗ дайын отынға да бағаны көтерді:
- Бензин: өндірушілерде тоннасының орташа бағасы 199 мың теңгеге дейін қымбаттады (+11,4 пайыз);
- Сұйытылған пропан мен бутан: өсім бірден 25 пайызды құрап, тоннасына 75,8 мың теңгеге жетті;
- Жазғы дизель отыны: босату бағасы 9,3 пайызға көтеріліп, тоннасына 260,1 мың теңгені құрады;
- Тұрмыстық пеш отыны: 14,4 пайызға қымбаттады (тоннасына 205,7 мың теңгеге дейін).
- Жол битумы (тоннасына 201,2 мың теңгеге дейін, +1,5 пайыз) және пеш мазуты (106,8 мың теңгеге дейін, +0,8 пайыз) шамалы қымбаттады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
