Халықтың валюта айырбастау пунктеріне сатқан АҚШ долларының көлемі 2017 жылы 5,9 млрд доллар болған, бұл 2016 жылғы көрсеткіштен 21,2%-ға (1,6 млрд доллар) аз. Қазақстандықтар айырбастау пунктеріне екінші жыл қатарынан долларды аз сатуда. Бір жыл бұрын бұл көлем 19,9%-ға (1,8 млрд доллар) азайған болатын.
Еуроға қатысты жағдай мүлдем басқаша. Халық оны былтырғы жылға қарағанда көп сатқан. Яғни оның көлемі +3,6%-ға (16,4 млн EUR) өсіп, 471 млн еуроға дейін жеткен. Бұған дейін айырбастау пунктерінің сатып алған еуровалюта көлемі екі жыл қатарынан 2016 жылы 19,8% -ға(112,2 млн EUR), 2015жылы - 2,6% -ға(15,1 млн EUR) қысқарған болатын.
2017 жылы айырбастау пунктеріне өткізілген рубльдің көлемі бір жыл бұрынғы көрсеткішке қарағанда 8,7%-ға (3,9 млрд RUB) артқан. Былтырғы жылы да өсу байқалған болатын.
Айырбастау пунктеріне халықтың өткізген долларларының көлемі 16 өңірдің 15-інде қысқарған.
Әсіресе, 2,9 млрд доллар сатқан алматылықтар бірінші орында тұр. Бұл 2016 жылғы көрсеткіштен 9%-ға аз. Ал Алматының республикадағы үлесі 42,7%-дан 49,4%-ға өскен. Екінші орында Астана тұр. Елорда тұрғындары 1 млрд доллар сатқан. Қаланың республика бойынша үлесі 19,5%-дан 17,2%-ға қысқарған.
Өсу тек ОҚО-да ғана байқалған, яғни 0,2%-ға (1,1 млн доллар), 481,6 млн долларға дейін жеткен.
