Индонезияға барған кезде ақылы визаны рәсімдеу талабы жойылды, деп жазады inbusiness.kz сайты.
Бұрын әуежайға қонған бойда 33 доллар төлеп, құжат рәсімдеу міндетті болатын. Қазір аталған талап толық жойылды. Тек барар алдында электронды келу картасын толтырып алу қажет.
Индонезия осындай жеңілдік жасаған 19 елдің қатарына Қазақстанды да қосты. Бізден бөлек аталған тізімде Малайзия, Түркия, Сингапур, Бразилия және Беларусь сияқты мемлекеттер бар.
Индонезия билігі осы жеңілдік арқылы шетелдік туристер санын арттыруды көздейді. Биыл ел 17 миллионнан астам турист қабылдауды жоспарлап отыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
