Осы жылдың алғашқы алты айында автонесие алуға берілген өтінімдер саны жылдық есеппен 54%-ға артып, 2,9 млн-ға жетті, деп хабарлайды inbusiness.kz сайты Қазақстан қаржыгерлер қауымдастығына сілтеме жасап.
Қауымдастықтың талдау орталығы биылғы бірінші жартыжылдықтағы автонесиелеу нарығына шолуын жариялады.
"Банктердің жалпы несие портфеліндегі автонесиенің үлесі 15,4%-ға жетті. Бұл автосалондардың белсенді жарнамалық кампаниялары, жеңілдікпен ұсынылған арнайы бағдарламалардың іске қосылуы, несие рәсімдеу процесінің цифрлануының қарқыны мен қарызды өтеу коэффициентін есептеу тәртібінің ерекшеленуінің арқасында болды", – делінген зерттеуде.
Алғашқы жарты жылда банктер 1,2 трлн теңге сомасына автонесиелер берген. Бұл өткен жылдың сәйкес кезеңіне қарағанда 53%-ға артық. Автонесиенің халыққа берілген жаңа несиелердегі үлесі 8,8%-дан 13,2%-ға дейін өсті.
"Автонесиенің орташа сомасы 6,3 млн теңгеден 6,7 млн теңгеге дейін өсті (+5,7%), бұл елдегі көлік бағасының 11,1%-ға өсуімен байланысты. Орташа ай сайынғы төлем – 110,7 мың теңге, бұл былтырғымен салыстырғанда 8,1%-ға төмен. Мұндай нәтиже автонесиелер бойынша пайыздық мөлшерлемелердің айтарлықтай төмендеуімен байланысты", – делінген ақпаратта.
Осы жылдың алғашқы алты айында автонесие алуға берілген өтінімдер саны жылдық есеппен 54%-ға артып, 2,9 млн-ға жетті. Қауымдастықтың жазуынша, несиеге сатып алынған автокөліктердің үлесі 36%-дан 59%-ға дейін өсті.
