Қазақстанның еңбек сіңірген қайраткері, қазақ бейнелеу өнерінің көрнекті өкілі, Мемлекеттік сыйлықтың лауреаты, профессор Ағымсалы Дүзелханов өмірден озды.
Ведомство марқұмның отбасы мен жақындарына, халқына көңіл айтты.
– Ағымсалы Дүзелханұлы – бейнелеу өнерінде өзіндік қолтаңбасымен танылған бірегей суретші. Оның туындылары халқымыздың рухы мен замана тынысын айшықтап, ұлттық өнеріміздің көкжиегін кеңейте түсті. Сондай-ақ ол жас суретшілердің кәсіби қалыптасуына үлкен үлес қосып, ұрпақ тәрбиесіне өлшеусіз еңбек сіңірді. Өмірден өтсе де, оның мол мұрасы мен жарқын бейнесі халқымыздың жүрегінде мәңгі сақталады. Марқұмның жаны жәннатта, иманы жолдас болсын, – делінген хабарламада.