Швейцарияның вице-президенті, Экономика, білім және зерттеулер федералды департаментінің басшысы Ги Пармеланмен және Швейцарияның Сыртқы істер федералды департаментінің басшысы Иньяцио Кассиспен келіссөздер өтеді, деп жазады inbusiness.kz сайты.
– Кездесулерде тараптар Қазақстан – Швейцария арасындағы екіжақты ынтымақтастықтың өзекті бағыттарын талқылайды. Сондай-ақ 2026 жылы Швейцарияның ЕҚЫҰ-ға төрағалығы аясындағы көпжақты күн тәртібінің негізгі мәселелері бойынша пікір алмасады. Сонымен бірге Швейцарияның жетекші іскер топтарының өкілдерімен бірқатар кездесулер өткізу жоспарланған, – деді ҚР Сыртқы істер министрлігінің ресми өкілі, Халықаралық ақпарат комитетінің төрағасы Айбек Смадияров.
28 қарашада Швейцария вице-президенті Ги Пармеланның қатысуымен "Қазақстан – Швейцария" іскерлік кеңесінің 5-ші отырысы өтеді.
Іскерлік кеңесті "Қазақстан темір жолы" АҚ және "Stadler Rail" бірлесіп ұйымдастырады. Шараға екі елдің жетекші компаниялары мен салалық қауымдастықтарының өкілдері қатысады. Кездесуде экономикалық ынтымақтастықты кеңейту, өзара іс-қимылдың жаңа бағыттары және бірлескен жобаларды іске асыру перспективалары талқыланады.
